| تبليغات | X |
 |
 |
|
|
ياكووس كامپانل ليس* Iacovos kampanellis چئويرن : ارسطو . م )*ايكينجي دونيا محاربه سيندن سونرا يونان ادبي نسلينين آدليم شاعيرلـــــرين دن بيريسي دير ) بو شعرده گه لن آوش ويتس – داخاو – ماوت ماوزن و بلزن ، دؤرد اؤلوم دوشرگه سي نين آدي دير كي آدولف هيتلر دؤرينده بوتون اورو پادا ياييلميش دير . بيرينجي سي لهستان ، ايكينجي سي آلمان ، اوچونجو سي اتريش و سونونجوسو بلژيك ده دوروردو . ساري اولدوز دان مقصد ، آلتي بوجاقلي اولدوز ايدي كي ساري پارچادان بيچيرديلر و هيتلر رژيمي يهودي لري مجبور ائديردي كي اونو پالتارلارينين كؤكسونه تيكسين لر . نئجه ده گؤزه ل دير منيم ايستكليم اؤز گونده ليك گئييمينده ساچلاريندا كيچيك بير داراقلا ! كيمسه بيلميردي كي او بونجا گؤزه ل دير . ا..ي آوش ويتس قيزلاري ا..ي داخاو قيزلاري سيز منيم گؤزه ل ايستكليمي گؤروبسيزمي ؟ - ان اوزون بير سفرده اونونلا قارشيلاشديق ، نه اينينده پالتاري نه ساچيندا داراغي نئجه ده گؤزه ل دير منيم ايستكليم آناسينين گؤزو ، چيراغي و قارداشي ، باشدان آياغا اؤپه ردي اونو ! كيمسه بيلميردي كي او بونجا گؤزه ل دير . ا..ي ماوت هاوزن قيزلاري ا..ي بلزن قيزلاري سيز منيم گؤزه ل ايستكليمي گؤروبسيز مي ؟ - بوزلاميش بير مئيدان دا اونونلا قارشيلاشديق، آغ بيلنگينده بير نؤمره و اوره يينده بير ساري اولدوز . |
||
|
+
یازیلمیش دیر چهارشنبه 13 تیر1386ساعات 11 بعد از ظهر ə . m
|
|
||
|
|
|
|
|
||
|
|
|
|
|
ilk səyfə e.mail arşiv |
||
|
|
latincə bağlantım |
|
|
yenilik.azeriblog |
||
|
|
Tem arşivi |
|
|
قیسا نثرلر qısa nəsrlər شعر şeir تنقید tənqid حئکایه hekayə مقاله məqalə چئوريم çevrim |
||
|
|
|
|
|
POWERED BY
BLOGFA.COM |
||