| تبليغات | X |
 |
 |
|
|
اوخــــــــــــو تار شه هه رين اوچورولموش دروازه لريندن كئچيره م . يانيق تانك لار ، يانيق قاتارلار و يانيق اينسانلار . يئر اوزو توتولموش دئشيك دمير بؤركلر و سينيق كلاشينكف لار لا . نجيب سويلو بير ابلق آت اوزه رينده يم ، ژورژييو آليسين پاسلي قيلينجي قانلي ال لريمده . آرخامدا اوجو ، بوجاغي گؤرونمه ين سونگولو ، قالخانلي قارا قوشون داغ لپه لي دريا كيمي سيرالانميش .. شيرلره مئيدان اوخويان نر بيلنگلي اوردو سردارلاريم منله چيين – چيينه . باشيميز اوزه ريندن آرا وئرمه يه ين سايسيز طياره لر . بوگون مندن اوسته كيمسه يوخدور . من هله دوغولماميش آنتونيو بئرگئنم ... اوخــــــــــــو تار مارگاريتا سئندئنين ائلچيليينه گئديره م . سيبيرييا نين آيي دوندوران چؤللريندن كئچه جه يم . گولدانيميزدان بير يارپاق آييريب كؤكسومه تاخميشام . چؤره ك سيز و شاراب سيز . باشيمدا بير كيتابليق قاچاق شعر . ياديمدان چيخمير ، ميلو شوويچه نه قه در نيفرت ائديردي منيم سئوگيليم . آمان مارگاريتا ! اي بويو اوجا قار قيزي ، كئشگه دونمويايديم چؤل لرده . . . اوخــــــــــــو تار موغانين ايتيريلميش دروازه لريندن هله ده قان آخير . هر سحر قارقالار تورپاقلارين بوغدالي يوخوسونو كابوسلارا چئويريرلر . آخشام قزئت لرده بير خبر اوخويورام : بير ائوين آدرسي ايتيب دير . تاپاني موكافات گؤزله يير .عاغليمين يوخ يئري دير ، منه بير باخ عاغيللي اولماق ايسته ييره م . موغانين دروازه لريندن هله ده جئيران ايسي گلير . . . اوخــــــــــــو تار گؤره سن بورادان خوشبخت لييه دك نه قه در يولدور . گؤره سن بورادان چؤره يه دك نه قه در قالير . بيلميره م قزئت لره ، سئومه يه ايمكاني اولمايان يوخسول قيزلارين ماهني سيني يازاجايام و گؤستره جه يم كي ژورژييو آليسين پاسلي قيلينجينی قانلي ال لرينه گؤتوره نين هئچ واخت سئوه ني اولماييب . . . اوخــــــــــــو تار . . . Ⅶ آردی ----> |
||
|
+
یازیلمیش دیر پنجشنبه 18 بهمن1386ساعات 11 بعد از ظهر ə . m
|
|
||
|
|
|
|
|
||
|
|
|
|
|
ilk səyfə e.mail arşiv |
||
|
|
latincə bağlantım |
|
|
yenilik.azeriblog |
||
|
|
Tem arşivi |
|
|
قیسا نثرلر qısa nəsrlər شعر şeir تنقید tənqid حئکایه hekayə مقاله məqalə چئوريم çevrim |
||
|
|
|
|
|
POWERED BY
BLOGFA.COM |
||