آچ پنجره ني ، باشيما هـــاوا گلدي

نه مي گؤره ن بونجا  اؤتدوكده دوشونجه لريمدن ، توتوشار نفس لريم . اؤيله كي لپيرلري اونلارجا مؤوسوم گئده مز  اؤلولوكلريمدن بيله ! نه مي گؤره ن باخميياراق اؤلوملريمه دوشونجه لريمي دورولدور دوش لريمي اينجلدر . او چاغ  باداقلار پاخير باغلار بئينيمده  ،  اؤنومده سوسار خور باخيشلار  و قاچار خوخوسو ناغيللاريمين خاطيريمده جانلاناركن او كؤرفــز پريسي . كيم مي گؤرن او كي ، هر يوخودان آييلان كيمي يئنه  باشدان سئومه يه چاليشارام اونو . توتوشار  دوش لريم ! ياديمـــدان ، چاييرلارا سيغال چكن شيرناق سسي اؤتور هر شعر اوخوياركن او . دنيز ياني ، يئل باسار  شه هه رينده ، تيترك ماياك ايشيغي دير وارليغي سانارام ؛ اونو گؤره ن ايتمز هئچ ! مني  يازي ماسايلا اوره ك دن تانيش ائد ن او نازليجا ! سطيرلريمه بويا – بويا داغيلاندير. مني دوزلو آغريلارا يولداش ائدن او گوزگولر سويداشي ! اوزون ساعاتلار ياتمازليغيمدير ، يورولمازليغيمدير ! پاساقلي  دوشونجه لر يوخلوغا سورگون اولور او واركن و  آتيلمير او آدديملار كي سوروكلر  رذالت اوچوروملارينا  اينساني ؛ ياني قورتولوش كيمي بير شئي . او  اؤيله بير آخيم كي اوره ك اونو دؤيوندوكجه اينسانلاشار ! آنجاق يئنه بيلمم  او نه دير ! هاوامي ، جانمي ! نه مي گؤره ن كي بونجا اؤتدوكده دوشونجه لريمدن توك لريم بيز - بيز دورار !  باشيم اوجالار .  سئوداسي نه جانلار ياراتميش ! نه گيله لر ياشارتميش . ايندي باخ  ! اولمورسا او گؤر نه لر اولمور ! او اولمويان كيمي يئنه  « گونش يئرين باشينا فيرلانير» ! و قادين لاشمير يوللارين  او بيري تايي . توكه نر  ته پر منده ده ، دووارلار آداما گلر ! تپه گؤز  ديو  اولار  اوتاقلار اون سيز !

                                             . . . آچ پنجره ني  باشيما هاوا گلدي